Wednesday, September 26, 2018

දිවෙහි රාජ්ජේ ජනකතා - 69 (ෆන්වක්කොලු සහ වලිකොලු)

(උපුටා ගැනීම ක්සේවියර් රොමේරෝ ෆ්‍රියාස් ගේ "Folk Tales of the Maldives" පොතෙන්)

ෆන්වක්කොලු සහ වලිකොලු (පොල් කොලේ සහ පිහිය​)

ෆන්වක්කොලු (පොල්කොලේ) සහ වලිකොලු (පිහිය​) කියන්නෙ එකටම හැදුනු වැඩුනු යාළුවො දෙන්නෙක්. ෆන්වක්කොලු සිහින්; උසයි; බොහොම දුර්වල ශරීරයක් තිබුනා. වලිකොලු ට කොට වුනත් මහත ශක්තිමත් ශරීරයක් තිබුනා.

එක දවසක් ඔවුන් දෙන්නා මුහුදු වෙරළේ සෙල්ලම් කරමින් ඉන්නකොට පොඩි පහේ වචන හුවමාරුවක් ඇති වුනා. රණ්ඩුව සමථයකට පත් කරනව වෙනුවට ෆනවක්කොලු වලිකොලුට පහර දුන්නා. මේකෙන් දෙන්නා අතර ගුටි බැට හුවමාරුවක් ඇති වුනා.

වලිකොලුට තරහ ගිහිල්ල ෆන්වක්කොලු ව කෑලි වලට කපල දැම්මා.

තමාට වඩා ශක්තිමත් කෙනෙක් එක්ක රණ්ඩුවක පැටලෙද්දි බොහොම කල්පනාකාරී වෙන්න ඕනෙ෴

- කතාව කිව්වෙ දොන් කම්බුලෝ (මාවෂු දූපත​, හද්දුන්මති අතොළුව​)

1 comment: